URTE BARRI ON

2020a URTE ZORIONTSUA izan dadila guztiontzat.

Bon any 2020

Feliz ano 2020

Feliz año 2020

Bonne année 2020

Bliadhna mhath 2020

Happy έτος 2020

Felice anno 2020

Sala 2020-an pîroz be

An fericit 2020

Frohes Jahr 2020

Happy 2020 year

عام 2020 سعيد

2020年快樂

Gelukkig 2020 jaar

Godt 2020-år

…

SASOIAn SASOIko ATSOTITZAK

SASOIAN SASOIko

                           ESAERA ZAHAR batzuk

•Abenduko eguna, argitu orduko iluna.

•Abenduak egunik ez, jai huts eta gau huts.

•Abendua heze eta hotz, etxeko nagusia udan poz.

•Arinegi negu, bi negu.

•Abenduko beroak ez du nekazariaren poltsa berotzen.

•Elur askoko urtea, urte dohatsua.

•Abenduko elurrak hotz luzeak izaten ditu.

•Abenduan egizu egurra eta lo.

•Abendu lehorra, urte ugaritsua.

•San Tomaseko azoka, txorizoa eta taloa. (21ean)

•Urteari buruz ez esan gaizkirik abendua bukatu arte.

•Elurrak ixten ditu ateak.

•GABON, dagoenean bonbon, ez dagoenean egon.

•Olentzaroz lehioan, Pazkoetan sutondoan.

•Abenduko eguzki zuriaz, ez fida!

•Neguan hotzari eta udan beroari beldur diona, ezta ez zaldun ez

merkatari ona.

•Urteberri, urtezahar, dirurik ez duena, beti praka zahar.

Abenduak 3: ANIZTASUN FUNTZIONALAren NAZIOARTEKO EGUNA

Abenduak 3:

ANIZTASUN  FUNTZIONALAren NAZIOARTEKO  EGUNA

Blog honetan gai honi buruzko informazio gehiago baduzu “2018ko abenduan”, hain zuzen.

ABENDUAK 3: EUSKARAren EGUNA

EUSKARAren EGUNA

GARAIAN GARAIKOA: KALABAZA BIZKOTXOA

SASOIAN, SASOIKO JANARIAK

Urteko garai honetan kalabazak batzen ari dira nekazariak. Beraz...

KALABAZAzko  BIZKOTXOA

Osagaiak: 400 g kalabaza, 4 arrautza, 300 g irin, 350 g azukre, limoi bat, legamia hautsa sobre bat, 1,5 dl esnegaina, 1,5 dl oliba olioa, gatza.

Prestaketa:

.Labea berotu 180 ºC-ra.

.Moztu kalabaza, azala kendu gabe. Bota oliba-olioa txorroztada bat labeko erretiluan eta erre kalabaza 30 minutuz. Hozten denean, azala kendu eta zati txiki-txikitan zatitu.

.Igurtzi gurinaz eta ondoren irinez zipriztindu labera sartzeko ontzia.

.Beste ontzi sakon batean jarri arrautzak, 300 g azukre, gatz pixka bat, olioa, legamia sobrea, kalabaza eta irina. Irabiatu guztia irabiagailuaz.

.Egindako orea jarri gurinez eta irinez igurtzitako ontzian eta sartu labean 25 minutuz, 180º C-tan. Ondoren atera eta hozten utzi.

.Irabiagailuaren ontzian jarri 50 g azukre, limoi zukua, limoi azalaren birrinak eta esnegaina. Guztia irabiatu.

.Azkenik, jarri nahaste hau bizkotxo hotzaren gainean eta inguruan zuri gustatzen zaizun eran, eta ... JATEKO PREST! 

ON EGIN!!!

URRIAri buruzko EUSKAL ESAERA ZAHARRAK

           URRIAri dagozkion

 EUSKAL ESAERA ZAHAR BATZUK

• Mendebala euritan, berrogeita zortzi ordu bustitan.

• Udazkeneko zuzia (ziza), ase egiteko gauzia (gauza).

• Ilbeheran egonaz, ez ezak hazirik erein inolaz.

• Hostoak lurrera, garia lurrera.

• URRIA urri, ilunabarretan igarri.
• Ez da fida urriari, badakarke mafrundi (katarroa).

• Urria, usoen galgarria.

• Urria erdi-euri, laborariak irri.

• Eguraldi ona eta behorra mendian behera, hurrengo egunean elurra.

• 18: San Luk, erein ezak baldin baduk, bila ezak ez baldin baduk.

• Eguzki zuriaren ondoren, laino beltzak.

• Urriko ilberrian elurra ageri bada, zazpi ilberritan ikusiko duzu.

• Urrileko ilberrin, elurra Aizkorrin.

• Izotza beherapean, euria hiru egunen epean.

• Izarrak bakan zeruan, biharamunean eguraldi ona, orduan; izarrak zeruan ugari, hurrengo egunean euri.

• Urrian bota ongarri, horren arabera uzta berri.

• Urriko elurra, zortzi hilabeteko elurra.

• Ezkur urte, sagu urte.

• 28: San Simon eta San Juda, joan zen uda eta negua heldu da.

KANTA HERRIKOIA

San Simon eta San Juda
joan zen uda, eta negua heldu da (bis)
ez baletor hobe, bizi gara pobre
eremu latz honetan
ez gara hain onak benetan

Ez dugu zaldirik, ez gara zaldunak
ez dugu abererik, ez gara aberatsak
euskara guk dugu, gu gara euskaldunak
euskara guk dugu, gu gara euskaldunak.

Entzun nahi baduzu, klikatu hemen

UDAZKENA: ongi etorri

       
                                            
                  ONGI ETORRI    udazkena

Gaur iraileko ekinokzioa da.

Ekinokzioa urtean bitan gertatzen da, martxoan eta irailean, hau betetzen dalako:  Lurraren ardatza eta Lurraren eta Eguzkiaren zentroak batzen dituen lerroa elkarzutak direla. Egoera horretan Eguzkiaren zentroa Lurraren ekuatoreko planoan kokatuta dago.

Ekinokzioak urte bakoitzean bi une zehatzetan gertatzen dira (ez egun batzuetan zehar): Lurraren ekuatoreko puntu batetik Eguzkiaren erdigunea puntu horren gain gainean, bere zenitean, ikus daitekeenean.

.Martxoko ekinokzioa: Martxoaren 21a aldera gertatzen da Ipar Hemisferioan, udaberriari hasiera emanez.

.Iraileko ekinokzioa: Irailaren 23a aldera gertatzen da Ipar Hemisferioan, udazkenari hasiera amaten diolarik.

.Hego Hemisferioan alderantziz gertatzen da.

Ekinokzio izena Latineko aequus (berdin) eta nox (gau) hitzetatik dator, ekinokzioaren inguru hurbilean mundu guztietako tokietan “eguna eta gauaren luzerak ia berdinak direlako”.

EUSKAL HERRIAN URTEKO SASOIRIK 

EDERRENA... UDAZKENA

IKASTURTE BERRIA, ELKARBIZITZA BIKAINA

Ongi etorri 2019-2020 ikasturtea

 Ikasturte berri baten hasieran gaudenez, jarraian doazen  aipuak  egokiak izan daitezke “elkarbizitza “ bikain bat lortzeko gure egunerokotasunean. Hainbat  hilabete ditugu ekainera arte elkarrekin pozik eta zoriontsu izateko.

.“Besteei laguntzeko aukera handiak nekez iristen zaizkigu, baina aukera txikiak egunero ditugu inguruan”.  Sally Koch (AEB, 1862 – 1969)

.“Armaniarmek, elkartzen badira, lehoia ere lotu dezakete”. (Etiopiako atsotitza)

.“Elkartasunak  izan beharko luke munduko hizkuntza”. Ezezaguna

.“Irmo uste dut nik, aniztasunarekiko errespetoa funtsezko oinarria dela arrazakeria, xenofobia eta tolerantziarik eza ezabatzeko” Rigoberta Menchú (Guatemala, 1954)

JA,JA,JA,JA...

BARRE EGITEA OSO ONA OMEN DA OSASUNERAKO

Ekainak 23-24: DONIBANE edo SAN JOAN bezpera eta eguna

DONIBANE edo SAN JUAN (SAN JOAN)

Egun ospetsua euskal tradizioan. Hobeto ezagutzeko, blog honetan, 2018ko ekainean klikatuta aurkituko duzu informazio gehiago. Hura gehitzeko, hemen doaz

DONIBANE edo SAN JUAN-en inguruko esaera zahar batzuk:

Euskaldunon artean horren garrantzi handikoa den egunak, atsotitz edo esaera zahar asko sortu ditu.

Donibaneko euria, gariaren galgarria.

Donibanetan kukuak “kuku”; san Pedrotan (ekainaren 29an) kukua mutu.

Eguzkiak San Joanetan dantza.

Gaur da San Juan, bihar juan zan.

San Joanek esku batean sua eta bestean uda.

San Juan egunak ostirala harrapatzen duen urtea, urte gaztigatua.

San Juan goizeko ihintzagaz hankak busti ezkero, gaixotasunak kentzen dira gero.

San Juanetako euriak, ez ardo, ez ogi, ez haragi.

San Juanetan festak, alaitzeko mutil eta neskak.

Sua Gabonetan etxean, San Juanetan plazan.

…

BURUA ERABILI ETA ASMATU

BURUA  MARTXAN  JARRI, EA ERANTZUN GUZTIAK ASMATZEN DITUZUN

 ASMAKIZUNAK

.Zein da hankak buruan dituen animalia?

.Bi mendien artean lehoi orrua. Zer da?

.Gizon txikia eta txapela handia. Zer da?

.Itsasoan edan eta mendian txisa egin. Zer da?

.Zer ote da?: beti erretan eta beti negarrez.

.Punta bat eta zulo bat ditu. Zer da?

.Konbentu honek lau gelatxo ditu, eta gelatxo bakoitzean monja bat. Zer da?

.Tripa lodia eta ahoa zabal zabala ditu. Zer da?

.Basora doanean etxera begira, etxera datorrenean basora begira. Zer da?

.Gero eta gehiago kendu eta gero eta handiagoa da. Zer da?

(Zihur nago asmatu dituzula; hala ere hemen doaz erantzunak)

INGURUMENAren NAZIOARTEKO EGUNA

EKAINAK 5: INGURUMENAren NAZIOARTEKO EGUNA

                                     INGURUMENA ZAINTZEA, GURE ESKU DAGO

INGURUMENAREN NAZIOARTEKO EGUNA, ingurumenari Nazio Batuen Erakundeak (NBE) urtero eskainitako eguna da.

Egun honen ospakizuna 1972ko abenduaren 15ean onartu zen, Nazio Batuen Batzar Nagusian. Egun horretan, Nazio Batuen Ingurumen Programa (UNEP ingelesez) ere onartu zen.

NBEa egun honetaz baliatzen da mundua ingurumenak duen garrantziaz kontzientziatzeko, jendeari hurbiltasuna erakutsiz.

Gainera, egun honi esker, urtero komunikabideetan ingurumenari buruz hitz egitea lortzen da, eta ondorioz, gaur egun, gure gizartean lekua duen gaia bihurtu.

Horren adibide argia da, datorren larunbatean, ekainak 8, URDAIBAIn egingo den zabor bilketa orokorra, ehunka pertsonek parte hartuz, hainbat erakunderen babes zuzenaz.

Ez legoke hobeto EZ ZIKINTZEA, garbitu beharrik ez 

izateko?